Пејачот Џејсон Деруло се најде на удар на критики откако беше откриено дека поп-ѕвездата Емаза Гибсон поднела тужба против него.
Таа рече дека потпишала договор со Деруло, според кој тој требало да ја направи ѕвезда, а потоа се се променило и музичарот наводно почнал да се однесува агресивно. Таа, исто така, истакна дека тој ја поканил да се видат, а потоа и навестил дека Емаза „мора да има секс со него за да напредува“.
– Сега дојдов до тој момент во мојот живот кога сум скршена. Вознемирен сум, трауматизирана. Се соочив со нечовечки услови за работа. Јас сум на нула и немам ништо – изјави Емаза за NBC.
Во тужбата што таа ја поднела против Деруло се вели дека пејачот изгубил интерес за неа кога ги одбила неговите „сексуални претензии“ и поканите за вечери каде што се консумирал алкохол.
Не долго потоа, договорот меѓу двајцата беше раскинат. Сето ова наводно се случило во 2021 година, додека Деруло бил во врска со Џена Фрумс, со која раскина само четири месеци откако добија син. Таа подоцна го обвини дека ја изневерува.
Џејсон сега се појави на Инстаграм за да ја каже својата верзија на настаните.
– Нормално не коментирам вакви работи, но ова длабоко ме повреди. Секогаш стојам против секаков вид насилство и останувам на поддршка за оние кои ги следат нивните соништа. Отсекогаш сум се трудел да го водам мојот живот на таков начин да можам да влијаам на некого на позитивен начин и затоа седам пред вас длабоко навреден од таквите тврдења. Господ да ве благослови – изјави Џејсон Деруло во видеото кое го објави.