Шкотската пејачка Ени Ленокс ги донираше рачно напишаните стихови од хитот Sweet Dreams на Eurythmics од 1983 година за хуманитарната аукција на која се собираат пари за медицинска помош за Газа, пренесува шкотски „Нејшнел“.
Добротворната организација Medical Aid for Palestine е организатор на хуманитарната аукција Cinema For Gaza со низа уникатни донации од познати личности од светот на музиката, филмот и на телевизијата.
Friends, @Cinema4Gaza are raising money for vital Medical Aid For Palestinians ( @MedicalAidPal )
I’ve donated handwritten lyrics for “Sweet Dreams (Are Made Of This )”
All money raised will go directly to support @MedicalAidPal.
Love Annie ❤️☮️https://t.co/psKz57iL4k
— Annie Lennox (@AnnieLennox) April 3, 2024
Освен стиховите на Ленокс, луѓето можат да наддаваат за едночасовен разговор на „Зум“ со Луи Теру, за приказна пред спиење од Тилда Свинтон или за потпишан примерок од неовата, необјавена книга на Френки Бојл.
Во описот на донацијата на Ленокс пишува: „Ени Ленокс е една од најпрепознатливите, легендарни и најинспиративните гласови што Шкотска некогаш ги создала.
„И со Eurythmics и како соло уметник, нејзината музика продолжува да одекнува низ целиот свет и сега таа почна да пишува за оној што ќе даде највисока понуда, великодушно донирајќи белешка со рачно напишаните стихови на безвременскиот хит Sweet Dreams. Вистински сон“.
Во моментов, највисоката понуда за стиховите на Ленокс изнесува 4300 фунти. Самата аукција досега собра повеќе од 60.000 фунти, а целосниот каталог на аукциите е достапен на веб-страницата Cinema For Gaza.