Окружниот суд во Бања Лука денес го осуди педофилот Драган Б. од Лакташа, обвинет за обљуба и сексуално злоставување на четири девојчиња на возраст под 15 години. Тој е осуден на 17 години затвор, дознава порталот „Аваз“.
Повторено судење
Имено, станува збор за повторено судење, а во текот на првата постапка, педофилот беше осуден на 15 години затвор.
Патем, ова е најшокантниот случај на педофилија откриен во БиХ. Жртвите биле четири сестри кои се родени во 2005, 2007, 2008 и 2013 година. Уште пострашно е што Драган Б. бил љубовник на нивната мајка М. J.(40). Против неа се води посебна постапка поради сомневање дека имала сексуални односи со обвинетиот пред нејзините ќерки.
Обвинителството претходно го измени обвинението и се откажа од обвинението за Драган Б. за сексуално злоставување на најмалото девојче.
Причината е што таа не можела да им даде информации за злосторството на истражителите и психолозите. Остатокот од обвинението остана ист, па обвинетиот се товари за три случаи на сексуален однос со деца на возраст под 15 години, како и за задоволување на сексуални страсти пред дете.
Според обвинението, Драган Б. бил во љубовна врска со мајката на жртвите. Во отсуство на таткото на девојчињата, тој секој ден останувал во нивната куќа, помагајќи во земјоделски работи и слично.
Злоупотребата се одвивала од февруари 2019 година до февруари 2020 година, кога Драган Б. повеќе пати имал сексуални односи со девојчињата во неговата куќа, но и во нивната куќа.
Во неколку наврати, тоа се случило додека мајката на жртвите била во друга просторија од куќата.