Генералниот директор на Ер Србија, Јиржи Марек, денеска изјави дека целта е растот на националната авиокомпанија да биде меѓу 10 и 20 проценти на годишно ниво, да превезе повеќе од три милиони патници во 2023 година и со тоа да постигне историски резултат, кој, заедно со зголемувањето на профитот, проширувањето на возниот парк и зајакнувањето на мрежата на дестинации, ќе придонесе во следните две-три години да се надминат резултатите од златната ера на ЈАТ.
„Ер Србија бележи значителен напредок во бизнисот, за прв пат од избувнувањето на пандемијата, позитивен нето и оперативен резултат е постигнат со добивка од 21 милион евра без ниту едно евро државна субвенција“, рече Марек. За Танјуг тој зборуваше за проекциите за 2023 година и бројните новини, од дестинациите до изгледот и имињата на авионите од регионалната флота, како и за најпозитивните изненадувања во бизнисот.
Во однос на бројот на превезени патници, Ер Србија се приближи на само два процентни поени до рекордната предпандемиска 2019 година, рече извршниот директор и прецизираше дека ова е еден од најдобрите резултати во конкуренција на европските авиокомпании.