Турскиот претседател Реџеп Таип Ердоган денеска му рекол на претседателот на Европскиот совет Шарл Мишел дека Турција ќе продолжи да ги вложува сите свои напори за постигнување мир меѓу Украина и Русија, се вели во соопштението на турското претседателство.
Турција, која е членка на НАТО, дели поморска граница со Украина и Русија во Црното Море и има добри врски со двете земји, објави Ројтерс.
Анкара го оцени рускиот напад врз Украина како неприфатлив и понуди да биде домаќин на мировните преговори, но се противи на санкциите против Москва.
Разговори Ердоган-Путин: Турција нуди помош за решавање на кризата
Портпаролот на турскиот претседател претходно денеска изјави дека Ердоган утре ќе разговара со рускиот претседател Владимир Путин.
Тој нагласи дека Турција е подготвена да помогне во решавањето на кризата.
За време на денешниот брифинг со новинарите во Истанбул, Калин ја повтори понудата на Турција да биде домаќин на преговорите меѓу Украина и Русија и повика на итен прекин на конфликтот, пренесува Ројтерс.
Калин истакна дека Турција не може да ги прекине врските ниту со Москва, ниту со Киев.