Турскиот претседател Реџеп Таип Ердоган изјави денеска дека главната опозициска Републиканска народна партија се обидува да ги прикрие сопствените грешки и да ги измами луѓето со „театралност“, коментирајќи го притворот на градоначалникот на Истанбул, Екрем Имамоглу.
„Немаме време да губиме на бесмислени дебати, ниту купишта пари за непромислено трошење“, рече Ердоган во говорот во Анкара, еден ден откако Имамоглу, неговиот главен политички ривал, беше приведен, објави „Ројтерс“.
Прашањата на Републиканската народна партија „не се прашања на земјата, туку прашања на неколку опортунисти во нивните штабови“, нагласи Ердоган.
„Немаме време за губење на театралноста на опозицијата“, рече турскиот претседател.
Имамоглу е во притвор под обвинение за наводно водење на криминална организација и корупција.