„Ерусалим беше, ќе биде и ќе остане палестински“

Палестинскиот лидер Махмуд Абас рече дека Палестинците ќе ги преземат сите мерки за да се заштитат.

Абас рече дека Ерусалим „бил, ќе биде и ќе остане палестински и исламски“.

„Повикот од Ерусалим нè обединува. Да ги оставиме сите разлики настрана“, рече Абас.

Тој оцени и дека Палестинците „ќе продолжат да го користат правото на самоодбрана, како и заштита на светилиштето“, сè до „соборувањето на окупацијата и воспоставувањето на независна палестинска држава со главен град во Ерусалим“.