ЕСМ: Утрово во РЕК „Битола” започнаа сервисно-ремонтни активности на Блокот 1

Утрово во РЕК „Битола” започнаа сервисно-ремонтни активности на Блокот 1, со цел подобрување на неговата стабилност и доверливост во работата. Застојот во производството од овој блок е предвидено да трае во наредните 24 часа, соопшти АД „Електрани на Северна Македонија” (ЕСМ).

Во меѓувреме, во функција останува Блокот 2 на комбинатот.

Од АД ЕСМ најавуваат дека постројката ќе биде со целосен капацитет на мрежа во текот на утрешниот ден.

– Снабдувањето со електрична енергија од останатите капацитети на АД ЕСМ продолжува непречено и компанијата не увезува струја за потребите на домаќинствата и малите потрошувачи, наведува ЕСМ во соопштение.