Пред неколку дена стана јасно дека минатата година компанијата Essential можеби успеала да продаде помалку од 90.000 смартфони, но тоа очигледно не е пречка да го предложи уредот во три нови бои.
Тие се ограничени и се дел од пролетната колекција на компанијата на Енди Рубин. Сите три варијанти ќе бидат продадени преку сајтот на Essential по цена од 599 долари, што е 100 долари повеќе од цената на претходните изданија.
Првата нова боја која ќе излезе во продажба се нарекува Ocean Depths и е опишана од страна на компанијата како најмодерна понуда насочена кон фановите на модата.
Како што се гледа од фотографиите, задниот керамички панел на уредот е со интересна сино-зелена боја, која дава контраст со бронзената боја на страничната рамка.
ЅStellar Gray е со минималистички изглед со мат заден панел во црна и црна метална рамка а продажбата ќе започне на 20-ти февруари.
Последната верзија е наречена Copper Black и ќе биде достапна од 22 февруари. Според компанијата таа е инспирирана од часовниците и додатоците од висока класа и нуди сјаен керамички заден панел кој е контраст со титаниумската рамка, која е во бронзена боја.