Естонија ги затвора границите за Русите со шенген визи

Естонија следната недела ќе ги затвори границите за руските граѓани со шенген визи издадени од таа земја, објави денеска естонскиот министер за надворешни работи Урмас Рејнсалу.

„За една недела ќе бидат применети санкции за шенген визите издадени од Естонија за граѓаните на Русија. Санкцијата значи дека визите ќе останат валидни, но имателите на визи ќе бидат санкционирани при влез во Естонија, односно ќе им биде забранет влезот“, рече Рејнсалу на прес-конференција.

Од санкциите ќе бидат изземени лицата чиј влез во Естонија е неопходен од хуманитарни причини, блиските роднини на естонските граѓани и оние кои имаат дозвола за постојан престој во Естонија.