Естонија го затвора воздушниот простор за руските авиони: „Нема место за агресорска земја“

Естонија го затвори воздушниот простор за руските авиони, изјави премиерот Каја Калас, која ги повика и другите земји од ЕУ да го сторат истото.

– Нема место за авионите на агресорска земја на демократското небо – напиша таа на својот официјален Твитер профил.

На овој начин Естонија се приклучи на својот балтички сосед Летонија.

Да потсетиме, Полска, исто така, од петок навечер до сабота, го затвори својот воздушен простор за руските авиони.