8
Европската унија денес ги прошири санкциите против Белорусија за да ги опфати потезите на Минск за кои ЕУ смета дека ги поткопуваат демократијата, владеењето на правото и безбедноста во земјите-членки на блокот.
„Новите критериуми ќе ѝ овозможат на ЕУ да воведе рестриктивни мерки против оние кои планираат, насочуваат, поддржуваат или олеснуваат манипулација, како и мешање во информирањето“, соопшти денес Советот на ЕУ, објави Ројтерс.
Се наведува дека проширените санкции ќе ѝ овозможат на ЕУ да ги таргетира „неовластените влегувања на територијата на земја-членка“.