Европската унија ќе започне тотална економска војна против Русија. Ова го изјави министерот за финансии на Франција, Бруно Ле Мер во интервју за радиото „Франс Инфо“.
„Ќе започнеме целосна економска и финансиска војна против Русија“, рече министерот. „Рускиот народ ќе ги сноси последиците“.
„Санкциите наметнати од Европската унија против Русија ќе ја уништат нејзината економија“, рече министерот.
„САД и Европа заедно го формираат најмоќниот економски блок на планетата“, посочи тој. „Ќе предизвикаме колапс на руската економија“.
По инвазијата на Украина, западните земји најавија нови организациски мерки против Москва. ЕУ одлучи да ги забрани операциите поврзани со управувањето со резервите и средствата на Руската централна банка. Покрај тоа, акцијата на ЕУ е насочена кон неколку големи финансиски институции, вклучувајќи ги Сбербанк и ВТБ. На некои државни компании им е тешко да прибираат капитал од странство. Германија го стопираше процесот на сертифицирање на гасоводот Северен тек-2.
ЕУ, исто така, им забрани на сите руски авиони да слетуваат, полетуваат или летаат над земјите на ЕУ и нејзините компании да доставуваат авиони или делови што се користат во нив во Русија.
Москва соопшти дека однапред подготвила план за акција во случај на нов бран одлуки за санкции. Властите истакнаа дека ќе ја дадат потребната поддршка на бизнисите погодени од ограничувањата за да обезбедат непречено функционирање на економијата.