243
Комитетот на Европскиот парламент за животна средина го поддржа поранешниот холандски министер за надворешни работи Вопке Хоекстра како следен носител на политиката на ЕУ за климатските промени, соопшти денеска претседателот на овој комитет, Паскал Канфин.
Хоекстра и Марош Шефчовиќ, кој беше номиниран за главен координатор во спроведувањето на зелените политики на Европската унија, добија поддршка од најмалку две третини од членовите на одборот, објави Канфин на платформата Х (Твитер), пренесува „Ројтерс“.
На кандидатите сè уште им треба формално одобрение од мнозинството од целосниот парламент на ЕУ, на гласањето закажано за четврток.