330
Брисел постигна договор со компаниите „Фајзер“ и „Бионтек“ за измени во договорот за вакцини против ковид-19, што вклучува намалување на бројот на вакцини што Европската унија мора да ги купи и продолжување на рокот за испорака до 2026 година, изјави неименуван извор упатен во разговорите.
Договорот, кој ќе биде објавен денеска, е постигнат по неколкумесечни разговори и притисок врз Брисел од владите на ЕУ за да се обезбеди промена на договорот поради глобалната презаситеност од вакцини против ковид-19, објави „Ројтерс“.
Оригиналниот договор беше потпишан во мај 2021 година и ја обврза ЕУ да купи 900 милиони дози од „Фајзер“ и „Бионтек“ со опција за дополнителни 900 милиони дози до крајот на 2023 година.