Во современиот свет, семејствата го поминуваат поголемиот дел од денот разделени. И дури и кога изгледа дека напорно работите за вашето дете – го возите на тренинзи, приватни часови, странски јазици, понекогаш токму тоа ве спречува да им го дадете она што навистина им треба. А тоа е вниманието на родителите.
Кога станува збор за момчињата, иако обично се повеќе врзани за својата мајка, улогата на таткото во нивните животи е подеднакво важна. Ако му недостасува внимание на татко, тоа ќе се види, а според Стив Бидалф, еден од најпознатите австралиски семејни терапевти, ова се главните показатели дека на момчињата им недостасува вниманието на нивниот татко:
* агресивен начин на однесување кон другите
* пренагласен машки стил на однесување и интереси (пушки, мускули, камиони – смрт!)
* навидум „арогантен“ начин на однесување (мрморење, незаинтересираност за стил, кул сум, се е здодевно)
* понижувачко однесување кон жените, луѓето кои се хомосексуалци или му изгледаат така, малцинствата.
Агресивниот начин на однесување е начин на кој момчето ја крие својата несигурност. Бидејќи му недостасуваат пофалби и почит од постарите мажи, се преправа дека е цврст.
Правилото е ова: „омаловажете некого, пред тој да ве омаловажи“.
Ако момчето има малку контакт со својот татко или други мажи, тогаш тој навистина не знае како да биде маж.
Исто така, нема контрола над сопствените чувства.
Бидејќи никогаш не видел како тоа се прави, тоа не знае како:
* да реши конфликт на добронамерен начин
* лесно да разговара со жени и не се однесува сексистички
* да изрази почит или тага, или да се извини, итн.
Таквото момче има само два извори од кои ја црпи својата идеја за машкост – актери во филмови и свои врсници.
Ако негов идол е Жан-Клод ван Дам, тоа нема многу да му помогне во справувањето со секојдневниот живот.