Европската унија има осум недели за да го  спаси Шенген системот. Ова стана јасно од зборовите на премиерот на Холандија Марк Руте, кој зборуваше во рамките на Светскиот економски форум во Давос.Според него, напролет протокот на мигранти сериозно ќе порасне. Ова ќе ги принуди земјите-членки на Шенгенскиот договор да се стремат да ја  обноват контролата на своите граници. На овој начин, за спасување на Шенген системот, како истакна Рјуте, на ЕУ останале “меѓу шест и осум недели”.

Според Рјуте, ЕУ мора прво да постигне договор за замена на Неуспешниот договор од Даблин, според кој бегалците имаат право да побараат азил во првата земја-членка во која ќе влезат. Со холандскиот премиер се согласи и министерот за финансии на Германија, Волфганг Шојбле. Тој смета дека ЕУ треба да изработи своевиден “план Маршал” за помош при развојот на економиите на земјите-соседи на Европа. Овој план ќе им овозможи да се создадат подобри услови во Блискиот Исток и во земјите од Африка, што ќе доведе до намалување на бројот на бегалците. Но, појаснува Шојбле, слична програма ќе ја чини ЕУ милијарди евра. Шенген зоната е во состојба на криза. За тоа сведочи затворањето на границата помеѓу Македонија и Грција. Нивниот пример може да биде проследено со Австрија и Унгарија.