Европска комисија: Солиден почеток на транзицијата кон еврото во Хрватска

Истражувањето на Европската комисија покажува дека транзицијата кон еврото во Хрватска од 1 јануари добро напредувала во почетната фаза.

ЕК известува дека поголемиот дел, 51 отсто, од готовинските плаќања во продавниците биле направени во евра на 5 јануари.

Огромното мнозинство на трансакции, 93 отсто, резултирало со тоа што потрошувачите добиваат кусур само во евра, 35 отсто од испитаниците во Хрватска рекле дека имаат банкноти од евра, а 36 отсто рекле дека носат само монети од евро.