11
Европската инвестициска банка (ЕИБ) инвестираше 822 милиони евра во Западен Балкан во 2025 година, во форма на заеми, гаранции и грантови, мобилизирајќи 1,5 милијарди евра во нови инвестиции, објави банката денес.
Од вкупниот износ, 664 милиони евра беа обезбедени во заеми и гаранции, покрај 6,5 милиони евра во грантови за инвестиции во рамките на Иницијативата за економска отпорност на ЕИБ.
Дополнително, 151,1 милиони евра во грантови од Европската Унија (ЕУ) се склучени преку Инвестициската рамка за Западен Балкан, потврдувајќи ја централната улога на Тимот Европа во мобилизирањето на значајни ресурси за поддршка на економскиот раст и конвергенција на регионот, се вели во соопштението.