211
Американскиот долар денеска се повлече во однос на повеќето главни ривали, откако синоќа го достигна највисокото ниво во последните две години, бидејќи приносите на американските државни обврзници го запреа растот по објавените податоци за инфлацијата, кои сè уште се пониски отколку што стравуваа некои аналитичари.
Јапонскиот јен исто така неколку дена го запре надолниот тренд и на синоќешното тргување забележа мало закрепнување од 20-годишното дно.
Вниманието на актерите на берзите е насочено кон денешниот состанок на Европската централна банка од кој очекуваат да дознаат дали ќе им се приклучат на водечките светски централни банки кои во последно време ги зголемија каматните стапки.