Американската фармацевтска компанија „Фајзер“ ќе контактира со американската администрација за храна и лекови (ФДА) во ноември за да вакцинираат деца на возраст од шест месеци до пет години против коронавирус, јавува „AA“.
Главниот финансиски директор на „Фајзер“, Франк Д’Амелио, рече дека „Фајзер“ и „Бајонтек“ ќе аплицираат во ноември за одобрување од ФДА за вакцината КОВИД-19 за деца на возраст од шест месеци до пет години, пишува „Политико“.
„Фајзер“ претходно најави дека ќе поднесе барање за одобрување за вакцинирање на деца на возраст од пет до 11 години.
Д’Амелио сподели информации дека барањето за одобрување на вакцината за деца на возраст од шест месеци до пет години ќе се процесира по апликацијата на возраст од пет до 11 години.
Вакцината „Фајзер“, одобрена од ФДА во август, беше првата целосно лиценцирана вакцина против КОВИД-19 одобрена за употреба во Соединетите држави, а вакцините Фајзер и Модерна беа одобрени од Европската агенција за лекови (ЕМА) за лица над 12 години.