Италијанскиот производител на луксузни автомобили Ferrari претстави нови хибридни возила со почетна цена од 400.000 евра.
Станува збор за нови верзии на купето V6 296 GTB и родстерот 296 GTS, кои инженерите ги модернизираа, ја намалија тежината и ја зголемија моќноста и брзината.
Основната цена на моделот 296 Speciale ќе биде 407.000 евра во Италија, додека почетната цена на моделот 296 Speciale A ќе биде 462.000 евра, објави Yahoo.
Првите испораки на моделот 296 Speciale во Европа се очекуваат во првиот квартал од 2026 година, а моделот 296 Speciale A ќе следи три месеци подоцна.
Купето 296 Speciale е 60 кг полесно и има дополнителни 49 коњски сили, со што вкупната моќност изнесува 868 коњски сили.
Максималната брзина надминува 330 километри на час, а забрзувањето од 0 до 100 километри на час се постигнува за 2,8 секунди, објави Ферари.