Демографските политики треба да бидат водечки приоритет за сите политички чинители без оглед на идеолошката ориентација, вели доктор по социјални политики и демографија од Оксфорд, Кристијан Фидановски.
Тој за „Локално“ појаснува дека владејачката партија би требало да се стреми кон широк општествен консензус за демографски политики, а не да ги врамува истите во национал-конзервативен дискурс, потенцира Фидановски.
-Подобри семејни политики, како повисоки детски додатоци, подолго, подоброплатено и родово еднакво породилно отсуство, но и подостапни градинки го зголемуваат наталитетот, но нивниот ефект е доста мал и скап, вели Фидановски.
Сепак, потенцира, ваквите политики се секогаш добра идеја, бидејќи тие истовремено ја намалуваат детската сиромаштија и подобруваат родовата еднаквост.
Б.Т.