Министерот за здравство Венко Филипче, преку својот Фејсбук информира дека поминато е една година откако е инфраструктурно уреден Клиничкиот ценатр и дека е задоволен од резултатот.
-Помина една година откако започнавме инфраструктурно да го уредуваме Клинички центар и навистина сум пресреќен со резултатот. Со децении наназад Клиничкиот центар беше вбројуван меѓу локациите со најголем неред, но денес веќе не е така. Погледнете како беше и како е денеска. Ова се сите работи кои ги направивме:
√ Решен е проблемот со влезовите и излезите од комплексот, кон градските улици;
√ Отворен е нов директен влез до Клиниката за инфективни болести;
√ Реконструирана и рехабилитирана е постоечката улична мрежа;
√ Проширена е главна капија и отворена е нова лента за возилата на Брза помош со директен влез до Ургентниот центар
√ Поставена е вертикална и хоризонтална сигнализација за правилно насочување на сообраќајот;
√ Обележани се пешачките зони;
√ Создадени се услови за движење на итната медицинска помош и амбулантните возила, инвалидизираните лица и лицата кои користат помагала, како и услови за движење со болнички помагала (кревети) и болни лица низ комплексот;
√ Внатрешно се реновирани повеќе Клиники а зградата на Интерни клиники после долги години за прв пат доби нов лик и целосно е реновирана, напиша Филипче.
Posted by Венко Филипче on Monday, 22 March 2021