Министерот за здравство, Венко Филипче, од пред салата Борис Трајковски, каде што се врши имунизацијата истакна дека утрово заедно со Комисијата за заразни болести се донесени важни одлуки, а тоа е скратување на полицискиот час од 21 часот и отворање на летните тераси од угостителските објекти.
За претстојните празници, пак, односно 12-ти према 13-ти полицискиот час ќе биде укинат, а мерката за угостителските објекти ќе остане иста.
Тој исто така, истакна дека се чувствува генерално олабавување во болниците и се ослободуваат некои одделенија кои беа наменети за ковид пациенти.
Најавените 200.000 дози од кинеските вакцини ќе може да се подигнат од Пекинг на 28-ми април, со тоа што на 30-ти ќе бидат во Истанбул, а од тука во Белград, а потоа со специјален превоз ќе бидат донесени во земјава.