Финскиот претседател: Русија користи оружје за масовно уништување

Финскиот претседател Саули Нинисто тврди дека двете страни во војната во Украина користат тешко вооружување, додека Русија користи и термобарични бомби.

„Испраќаме се потешко оружје во Украина. Од друга страна, Русија исто така почна да користи многу моќно оружје, термобарични бомби кои всушност се оружје за масовно уништување“, рече Нинисто.

Украина и земјите од НАТО претходно ја обвинија Русија дека користи високо деструктивни термобарични бомби, познати и како вакуум бомби. „Амнести интернешнал“ објави дека Русија користела забранети касетни бомби во Харков.