Претседателката на Европската комисија, Урсула фон дер Лајен, е импресионирана од амбицијата, решителноста, храброста и напредокот што Црна Гора го постигна во својата европска интеграција во последните две години, напиша црногорскиот премиер Милојко Спајиќ во Х.
„Претседателката на ЕК, Урсула фон дер Лајен, е импресионирана од амбицијата, решителноста, храброста и напредокот што Црна Гора го постигна во својата европска интеграција во последните две години. Посветеноста и фокусот на реформите нè водат кон целта за приклучување кон Европската Унија во 2028 година“, рече вчера Спајиќ.
Во објава на својот профил на X, Фон дер Лајен рече дека кога е во Црна Гора, го чувствува „срцето на Европа како чука“.
„Вие не само што сте посветени на вашата европска иднина, туку сте и ентузијастички расположени за неа. И тоа се гледа. Бидејќи го водите процесот на пристапување“, напиша таа. „Црна Гора може да ја постигне својата европска амбиција ако остане фокусирана на целта и ако остане обединета“.
Вчера таа се сретна и со црногорскиот претседател Јаков Милатовиќ, со кого разговараа за реформите во земјата што ја доближуваат Подгорица до членство во ЕУ.