Фон дер Лајен: Се разгледубва опцијата за соборување на руски борбени авиони во воздушниот простор на ЕУ

Претседателката на Европската комисија, Урсула фон дер Лајен, изјави дека соборувањето на руски борбени авиони што влегуваат во воздушниот простор на НАТО и Европската унија е опција што се разгледува.

„Мојот став е дека мора да го браниме секој квадратен сантиметар од територијата, а тоа значи дека доколку има упад во воздушниот простор, по предупредување, откако сме биле многу јасни, секако, опцијата за соборување на борбен авион што влегува во нашиот воздушен простор е на маса“, изјави Фон дер Лајен во интервју за CNN.

Претседателката на Европската комисија, исто така, изјави дека Русија ја „тестира“ Европа „на сите фронтови“.