Овозможувањето на членството на Украина во ЕУ е морална должност, изјави шефот на Европската комисија.
Во говорот на форумот GLOBSEC 2022 во Братислава, Урсула фон дер Лeјен рече дека „не е само наш стратешки интерес, туку и наша морална должност да го овозможиме“ пристапувањето на Украинците во ЕУ, свесни за нивната храбра борба за нивната иднината.
„Украинците се борат толку храбро затоа што совршено добро знаат дека сакаат слободно и отворено општество кое ќе припаѓа на силна демократска заедница“, додаде таа.
Фон дер Лeјен објасни дека ЕУ сака да ги комбинира инвестициите за обновување со реформите во областите на административниот капацитет, владеењето на правото и борбата против корупцијата.
Нивната цел е да создадат атрактивна деловна средина „за инвеститорите да имаат доверба и да се вратат и инвестираат во Украина“.
Таа вети дека Европската комисија ќе „застане на страната на Украинците со сите достигнувања што ги имаме, со сето искуство што го имаме“, со цел да се постигнат овие реформи што водат кон пристапување во ЕУ.
Во исто време, таа истакна дека брзината на процесот на пристапување зависи од Украина и поддршката на блокот.
Само четири дена откако Русија започна војна против Украина на 24 февруари, украинскиот претседател Володимир Зеленски официјално го потпиша барањето на неговата земја за пристап во ЕУ.
Европската комисија моментално го проценува прашалникот што Украина го пополни и го врати во април.
Во наредните недели, извршната власт на ЕУ ќе го даде своето мислење за тоа дали земјата може да добие кандидатски статус и да започне преговори за членство како прва фаза од процесот.
Лидерите на ЕУ се очекува да го оценат ова мислење на нивниот следен самит на 23-24 јуни.