Претставена е нова монета со портрет на кралот Чарлс, а 50-те пени со неговиот лик ќе влезат во промет за неколку недели, пишува BBC News.
BBC News ја доби првата прилика да ја види монетата од 50 пени и комеморативната монета во чест на покојната кралица Елизабета Втора.
И оваа монета ја следи вековната традиција, така што кралот е свртен лево, спротивно на ориентацијата на портретот на неговата мајка. Како и претходните кралеви, и за разлика од кралицата, Чарлс не носи круна на монетата.
King Charles: New coins featuring monarch's portrait unveiled https://t.co/WHTgEaWljs
— BBC News (UK) (@BBCNews) September 30, 2022
Кралот Чарлс лично ја одобрил монетата и бил задоволен од тоа колку личи на него. Монетата ќе биде достапна за колекционерите од следната недела.
И понатаму ќе продолжат да се прифаќаат монети со ликот на покојната кралица.