По речиси една деценија криење, наводниот син на рускиот претседател Владимир Путин, Иван Владимирович за прв пат се појави во јавноста, што предизвика големо внимание.
Како што пренесува рускиот опозициски Телеграмски канал „ВЧК-ОГПУ“, момчето за кое се тврди дека е син на Путин со поранешната олимписка шампионка во гимнастика Алина Кабаева, за прв пат е видено и фотографирано. Се верува дека Иван има околу десет години и до сега бил целосно заштитен од јавноста.
На фотографијата, објавена од канал близок до руските безбедносни структури, Иван е опишан како „најосамното момче во Русија“, дете кое речиси нема контакт со своите врсници и расте под строг надзор на дадилки, учителки и телохранители. Наводно, тој има и помлад брат Владимир, кој има четири години.
Путин никогаш јавно не ја потврдил врската со Кабаева, ниту дека имаат деца, иако во една прилика, во телевизиско обраќање, нејасно алудираше на „малите членови на семејството“ со кои гледа бајки.
Кремљ постојано негира каква било врска меѓу претседателот и поранешната гимнастичарка, но независниот истражувачки центар „Досие центар“ тврди дека има цврсти докази за постоењето на две деца од врската.
Според овие изјави, момчињата живеат под исклучително строг режим – без никаков контакт со други деца, тие се образуваат исклучиво во претседателските резиденции и се под постојан надзор на руската безбедносна служба ФСО. Нивното образование, претходно раководено од гувернанти од Велика Британија и Нов Зеланд, сега го вршат тутори од Јужна Африка – што е поврзано со заладените односи меѓу Русија и Западот.
Путин, познат по тоа што опсесивно го штити својот приватен живот, еднаш изјави: „Имам приватен живот во кој не дозволувам мешање“, и ги осуди оние кои, како што рече, „влегуваат во туѓите животи со лигави носеви и еротски фантазии“.
Алина Кабаева, сега четириесет и една година, поранешна спортска ѕвезда и медиумско лице, претходно ги красеше насловните страници на списанијата како „Максим“, а во една емисија мистериозно изјави дека „го пронашла совршениот маж“, без да го открие идентитетот.
Појавата на фотографијата на Иван дојде веднаш по затворањето на телеграмскиот канал „VChK-OGPU“, што многумина го толкуваат како обид на Кремљ да спречи натамошно протекување информации.
Иако од „Досие Центар“ тврдат дека поседуваат фотографии од помалиот син, тие одлучиле да не ги објавуваат од етички причини. Сепак, нагласуваат дека јавноста има право да знае како изгледа животот на децата чиј татко има невидено богатство и политичка моќ.
Putin’s ‘secret 10-year-old SON is seen for the first time’: Pictures ‘show child Vladimir shares with gymnast lover’, anti-Kremlin website claims https://t.co/aXABTdb5ZA
— Daily Mail Online (@MailOnline) April 22, 2025