Контроверзниот американски рапер Шон Комбс, познат како Диди, се наоѓа во центарот на сериозен судски процес во Њујорк. Обвинет е за трговија со луѓе, принудна проституција, силување и сексуална злоупотреба. Во јавноста повторно исплива фотографија од 2014 година, која Диди тогаш брзо ја избриша од своите профили на социјалните мрежи, но денес таа повторно е во фокусот на јавноста.
Станува збор за забава организирана на Ибица во август истата година. На фотографиите од таа вечер може да се забележат неколку познати личности, меѓу кои се поранешната девојка на Диди — Кеси Вентура, како и Ким Кардашијан, Канје Вест и супермоделот Кејт Мос, која, според очевидци, изгледала како да е под дејство на опијати. Со оглед на обвиненијата против Диди — дека организирал оргии на кои ги принудувал и мажи и жени на сексуални дејства — се појавуваат прашања дали и познатите личности присутни на тие забави биле вклучени или биле сведоци на настаните.
Овие настани Диди наводно ги нарекувал „фриканди“, а листата на гости, според извештаите, вклучувала и имиња како Зак Ефрон, Џаред Лето, Парис Хилтон, Кендал Џенер, Крис Џенер и други.
Кеси Вентура, која неодамна сведочеше пред судот, изнесе шокантни детали за нејзиното искуство. Таа изјави дека Диди ја контролирал во секој аспект од нејзиниот живот — од кариерата, до изгледот и личните избори. Најтешките обвинувања се однесуваат на тоа дека ја принудувал да учествува во деградирачки сексуални дејства.
„Шон контролираше сè во мојот живот. Од мојата кариера, мојата облека, па сè до најинтимните работи“, изјавила Кеси. Според неа, на некои од забавите Диди ги принудувал машките проститутки да вршат нужда врз неа — нешто што го нарекла понижувачко и трауматично искуство.
Судскиот процес продолжува, а јавноста будно го следи развојот на настаните. Останува да се види дали и други личности ќе бидат повикани како сведоци или обвинети. Овој случај уште еднаш го отвора прашањето за злоупотребата на моќта во светот на славните и за последиците што ги трпат жртвите кои долго време молчат.