Франција, Германија и Италија потврдија дека ќе се вклучат во Азиската банка за инфраструктурни инвестиции (AIIB), соопштува AFP. Новата банка се смета за директен конкурент на доминирачката од САД Светска банка.Трите европски држави потврдија дека имаат намера “да се меѓу членовите – основачи на AIIB”.
“Сакаме да придонесеме со долгогодишно искуство … и да помогнеме на банката да изгради солидна репутација”, изјави германскиот министер за финансии Волфганг Шојбле на заедничката прес-конференција со кинескиот заменик-премиер Ма Каи во Берлин. Тој додаде дека трите земји сакаат да помогнат во развојот на економијата на Азија, каде веќе се активни многу германски фирми.
Портпаролот на кинеското Министерство за надворешни работи Хон Леи ја поздрави одлуката и изјави дека “AIIB е отворена инвестициска институција”.
Одлуката на трите европски држави беше најавена една недела откако Велика Британија стана првата западна држава која се согласи да стане дел од основачите на АIIB. Владата во Лондон соопшти дека одлуката ги задоволува националните интереси на земјата, но беше пресретната со негативна реакција од САД.
AIIB се гледа како конкурент на Светската банка и од таа причина САД остваруваат притисок врз сојузниците да не учествуваат во неа, а наведената официјална причина за ова е дека коалицијата предводена од Кинеската институција најверојатно нема да го почитува високите стандарди на водич, транспарентност и влијание врз животната средина.
“Неколкукратно изјавивме пред Кинезите, дека треба да ги прифатат инвестициите во инфраструктурата, но да бараат докази дека оваа банка ќе ги прифати принципите, проследено со нашите меѓународни банки за развој”, изјави регионалниот помошник државен секретар Дениел Расел во Сеул.
Кина постојано уверува дека AIIB ќе ги почитува овие стандарди. “Банката ќе ги користи искуствата на другите меѓународни банки за развој, но ќе ги избегне нивните грешки и ќе се обиде да биде ефективна и ефикасна”,го цитира Леи кинеската агенција “Ксинхуа”. Тој додаде дека банката ќе ги “дополнува постоечките меѓународни банки за развој и ќе го поддржува развојот на инфраструктурата и економијата на Азија како целина”.
Financial Times објави дека Јужна Кореја, Швајцарија и Луксембург размислуваат дали да се приклучат на AIIB. Австралискиот премиер Тони Абот исто така, најави дека во блиска иднина Канбера ќе донесе одлука дали да се вклучи во банката.
Досега речиси 30 држави потврдија дека ќе учествуваат во AIIB. Нејзиното основање беше најавено формално од претседателот Си Цзинпин во 2014 година, а се очекува Пекинг да ја користи како алатка за зголемување на своето влијание во регионот.