Француската премиерка Елизабет Борн поднесе оставка, која беше прифатена од претседателот Емануел Макрон, соопштија од неговиот кабинет. Макрон не одредил кој ќе ја наследи Борн на премиерската позиција.
Промената на претседателското столче во француската влада доаѓа по една година одбележана со политичка криза во земјата, поради спорната реформа на пензискиот систем и законот за имиграција.
Емануел Макрон ѝ се заблагодарил на поранешната премиерка на социјалната мрежа Х.
Madame la Première ministre, chère @Elisabeth_Borne, votre travail au service de notre Nation a été chaque jour exemplaire. Vous avez mis en œuvre notre projet avec le courage, l’engagement et la détermination des femmes d’État. De tout cœur, merci. pic.twitter.com/G26ifKfKzj
— Emmanuel Macron (@EmmanuelMacron) January 8, 2024
Борн ја презеде функцијата во мај 2022 година, откако Макрон беше избран за претседател по втор пат. Таа беше втората жена-премиер во историјата на Франција.
Борн ќе продолжи да се занимава со тековните прашања додека не се избере нова влада.
Во Франција, анкетите покажуваат дека партијата на Макрон заостанува зад лидерката на екстремната десница Марин Ле Пен за околу осум до 10 поени пред гласањето во јуни.