Фудбалскиот сојуз на Албанија казнет со 37.375 евра

Дисциплинската комисија на Европската фудбалска федерација (УЕФА) денеска го казни Фудбалскиот сојуз на Албанија со вкупно 37.375 евра поради однесувањето на навивачите на натпреварот против Италија (1:2).

Како што беше објавено на веб-страницата на УЕФА, Албанија е казнета поради палење пиротехнички средства, фрлање предмети на теренот, трчање на теренот и прикажување провокативни пораки кои не се соодветни за спортски настан.

ФС Албанија сигурно ќе биде казнет и по денешниот натпревар против Хрватска (2:2) бидејќи неговите приврзаници во хор со навивачите на противничката екипа скандираа „Убиј го Србинот“.