164
Британскиот премиер Борис Џонсон одлучи да поднесе оставка од функцијата претседател на Конзервативната партија, јавуваат британските медиуми. Се очекува тој да биде на премиерската позиција до есен.
Во текот на денот се очекува Џонсон официјално да ја објави својата одлука да поднесе оставка.
Фунтата веднаш реагираше. Британската валута достигна дневен максимум по веста дека премиерот ќе поднесе оставка.
Фунтата порасна за 0,35% во однос на американскиот долар за да се тргува за 1,1971 долари до 9:25 часот по лондонско време.
Тоа доаѓа откако повеќе од 50 пратеници поднесоа оставки од владата на Џонсон во рок од 48 часа.