ГАЛЕРИЈА: Нов почеток - „Викторија Сикрет“ ги собра легендарните ангели

Познатиот американски бренд на долна облека Victoria’s Secret претстави нова кампања и во оваа прилика ги собра легендарните манекенки како Жизел Бундхен, Адријана Лима и Кендис Свонпул, кои со години доминираа на модната писта со ангелски крилја.

По голем број контроверзии, Victoria’s Secret претрпе големо ребрендирање во 2020 година, притоа вложувајќи големи напори за промовирање на инклузивноста, која дотогаш не постоеше.

Поранешните ѕвезди на популарниот бренд за долна облека сега позираат покрај новите лица како Хејли Бибер, Емили Ратајковски, Палома Елесер, Суи Хе и Адут Акеч.