Рускиот енергетски гигант „Газпром“ објави видео во кое и се заканува на Европската унија со недостиг на гас.
На самиот почеток на видеото се гледа како работник го исклучува доводот на гас и барометар каде притисокот паѓа на нула. Покрај сцената на далноводи, прикажани се знамињата на Европската унија и снимки од Брисел, Берлин, Париз и Лондон, кои почнуваат да ги покрива мраз и снег.
Музичката позадина на спотот е руската песна „Зимата ќе биде долга“, напишана од познатиот руски пејач Јуриј Визбор, додека верзијата во спотот ја пее неговата внука Варвара Визбор.
Антон Герашенко, советник на украинскиот министер за внатрешни работи на Украина, видеото го објави на својот Твитер профил.
„Рускиот „Газпром“ објави видео „Зимата ќе биде долга“ каде што компанијата го исклучува гасот и започнува леденото доба во Европа. Дали навистина мислат дека можат да убијат илјадници Украинци, да окупираат територии на друга земја и дека Европа ќе гледа на друга страна во страв од уцена?“ се запраша Герашенко.
Russian Gazprom published a video "Winter will be big" where company turns off gas flow & ice age begins in Europe.
Do they really think they can kill thousands of Ukrainians, capture territories of another country, and Europe will look the other way, afraid of gas blackmail? pic.twitter.com/5Zwjg3x9su
— Anton Gerashchenko (@Gerashchenko_en) September 5, 2022