Откако беше обелоденето дека владеачката коалиција во Бугарија составена од четири партии, се намали на три и лидерот на „Има таков народ“ Слави Трифонов најави дека ги повлекува министрите од неговата партија, денес следуваа првите оставки.
Министрите за регионален развој, за надворешни работи и спорт, Гроздан Караѓов, Теодора Генчовска и Радостин Василев ги напуштиле функциите, пишува „Бугарија ON AIR“.
Генчовска денеска „се сврте“ против бугарскиот премиер Кирил Петков, преку изјава за бугарските медиуми.
Таа потврди дека навистина има записи за средбите на Кирил Петков со европските дипломати на тема С. Македонија.
-На овие средби се разговарало како да се заобиколи бугарското вето за Република Северна Македонија, информира Генчовска.
Трифонов вчера објави дека неговата партија нема да биде понатаму дел од бугарската влада, а како една од причините ја истакна темата за кревањето на ветото за С. Македонија.