Кандидатот за градоначалник на Општина Центар од редовите на СДСМ, Горан Герасимовски, најави нов проект кој ќе се реализира во вториот мандат, по победата на локалните избори, а има за цел подобрување на благосостојбата на животните.
„Во новиот мандат, ги вакцинираме бездомните кучиња и домашните миленици како важен чекор кон безбедни улици и здрави заедници. Вакцинирањето ќе штити од беснило и други заразни болести, а микрочипирањето ќе овозможи брза идентификација и враќање на изгубени миленици”, рече Герасимовски.
Тој додаде дека веќе се поставени нови куќички за бездомни животни во Паркот на франкофонијата, кои претставуваат безбедни и хумани засолништа за кучињата што живеат на улица.
„Продолжуваме да се грижиме за домашните миленици, за Центар што го сакаме. Нашата визија е Центар да биде општина која покажува грижа, хуманост и одговорност кон секое живо суштество,” порача Герасимовски.