Германија повеќе не субвенционира купување автомобили со нулта емисија. На крајот на април на патиштата во оваа земја имаше околу 1,2 милиони целосно електрични возила, а целта до 2030 година е 15 милиони автомобили без CO2.
Неодамна германскиот Уставен суд одлучи дека извршната власт повеќе не може да смета на 60 милијарди евра, ниту може да се префрли во новата фискална година, иако се работи за непотрошени средства наменети за пандемијата Ковид-19. Средствата се обезбедени во државниот буџет на иницијатива на Партијата на зелените, а Владата од 2016 година преку субвенции на клиентите им вратила околу 10 милијарди евра.
За да може да го усвои новиот буџет, Германија мораше да ревидира некои програми, а една од нив е онаа насочена кон забрзување на електрификацијата. Во овој контекст, програмата за субвенционирање за набавка на електрични возила завршува порано од планираното. Имено, според првичниот проект, оваа државна помош требаше да се доделува до крајот на 2024 година.
Парите ќе ги добијат само оние кои веќе аплицирале за грантови. Напротив, новите кандидати кои аплицираат за овој зелен бонус нема да бидат прифатени. Според официјалната статистика, на крајот на април на патиштата во Германија имало околу 1,2 милиони чисто електрични возила. До 2030 година оваа бројка треба да биде 15 милиони.
Сепак, пазарот воопшто не го бележи очекуваниот раст на продажбата на возила со батерии. Имено, високите цени, ограничениот опсег и немањето станици за полнење, особено во руралните средини, се сметаат за главни причини поради кои паѓа продажбата на електрични возила на најголемиот европски пазар.