Српскиот член на Претседателството на БиХ, Милорад Додик напиша дека Германија нема да воведува санкции против него, бидејќи тој самиот ќе си ги воведе.
„За да не бидат загрижени, од денеска си воведувам санкции. Ниту имам имот во Германија, ниту планирам да одам таму“, напиша Додик на Твитер.
Да се они не би замарали, од данас ја себи уводим санкције. Нити имам какву имовину у Њемачкој, нити планирам ићи тамо.
Њемачка својом политиком застрашивања неће промијенити реалност коју живимо, а то је да је БиХ неуспјешна земља.— Милорад Додик (@MiloradDodik) July 12, 2022
Тој оцени дека Германија нема да ја промени реалноста со својата политика на заплашување, а тоа, како што рече, е дека Босна и Херцеговина е пропадната земја.
Германската министерка за Европа и клима, Ана Лурман, денеска во Сараево изјави дека Германија лобира во Европската унија за санкции против српскиот член на Претседателството на БиХ, Милорад Додик и Република Српска, обвинувајќи го Додик дека води сецесионистичка политика.