Ханс Бекхоф, сопственик на компанијата „Beckhoff Automation“, тврди дека Германија никогаш не била во толку длабока економска криза. Неговата компанија, која работи 44 години, произведува автоматизирани системи за контрола и е дел од малите и средни претпријатија (Mittelstand) кои сочинуваат 99% од германската економија и вработуваат 59% од работната сила.
Комбинација на фактори, како што се зголемувањето на цените на енергијата по војната во Украина, инфлацијата, конкуренцијата од Кина и лошата инфраструктура, силно ги погодуваат германските фирми. Промените во политиката, како што се укинувањето на субвенциите за топлинските пумпи и електричните автомобили, ја направија ситуацијата уште потешка.
Германските производители на автомобили се соочуваат со пад на побарувачката во Кина, што предизвика намалување на профитот на компаниите како Фолксваген, Мерцедес и БМВ. Фолксваген размислува за првпат да ги затвори фабриките во Германија, што може да доведе до губење на илјадници работни места.
Експертите веруваат дека иновациите и зголемената продуктивност се клучот за закрепнување.
– Не можеме да го земaме богатството здраво за готово – вели Бекхоф.
Иако кризата е предизвик, многумина веруваат дека може да ја мотивира германската индустрија да направи позитивни промени, како што се инвестициите во инфраструктурата и конкурентноста.
Како што рекол Винстон Черчил: „Никогаш не пропуштајте добра криза“.