Германија ги зајакнува мерките за невакцинираните патници кои доаѓаат од ОВИЕ земји

Германија денеска ги означи Франција и Данска како високоризични зони на инфекција со коронавирус и ќе бара карантин од невакцинирани патници од тие земји, соопшти германскиот институт за здравствен монитор.

Од недела, патниците од тие две земји, како и од Норвешка, Либан и Андора, кои не се вакцинирани или не прележале Ковид-19, ќе одат во карантин со можност за тестирање петти ден.

Германија, која веќе е погодена од висок скок на инфекцијата со коронавирус, мора да се подготви за нов „голем бран“ поврзан со брзото ширење на вирусот сој омикрон, предупреди претходно министерот за здравство Карл Лаутербах.