Германската армија потпиша договор со „Ербас“ во вредност од 2,1 милијарди евра за следната генерација на воени комуникациски сателити наречени SatcomBw 3, објави „Ербас“.
Договорот вклучува проектен менаџмент на двата сателити „како и копнениот сегмент (станици за прием), лансирање и работа 15 години“, се вели во соопштението.
Сателитите SatcomBw 3 мора да бидат лансирани и распоредени „пред крајот на деценијата“ на височина од 36.000 километри.
Сателитите со тежина од околу шест тони ќе имаат доволно можности да го задржат чекорот со брзата еволуција на дигитализацијата и постојаното зголемување на потребниот обем на пренос на податоци, рече Ербас.
Германскиот производител на сателити OHB и малите и средните претпријатија се исто така вклучени во проектот.