Германија не сака да го снабдува Киев со оружје за напад на Русија

Германскиот канцелар Олаф Шолц во интервју за АРД изјави дека Берлин не сака Киев да користи оружје со долг дострел што го испорачува Западот за да ја нападне Русија.

– За нас постои принцип што го делам со американскиот претседател – не сакаме оружјето што го доставуваме да се користи за гранатирање на руски територии, рече Шолц.

Германскиот министер за одбрана, Борис Писториус претходно го објави мошне резервираниот став на Берлин во однос на барањето на Киев да ги снабдува вооружените сили на Украина со крстосувачки ракети Таурус.