Германија: Неопходна е масовна вакцинација, пристигнува четвртиот бран

од Nikola Popovski
169 прегледи

Германскиот центар за контрола на болести денес објави дека 85 проценти од населението на возраст од 12 до 59 години и 90 проценти од постарите од 60 години треба да бидат вакцинирани со цел да се спречи нов бран на инфекција со коронавирус наесен и во зима со делта сојот на коронавирус.

Во Германија, 56,5 проценти од населението примило барем една доза до недела, а 38,9 проценти биле целосно вакцинирани.

Денешниот извештај на институтот Роберт Кох, заснован на математичко моделирање и резултати од истражување, беше објавен во време кога стапката на инфекција во Германија е најниска во последните неколку месеци.

Според Институтот, минатата недела се пријавени пет нови случаи на 100.000 жители, но сега повеќе од половина од новите инфекции се предизвикани од делта сојот.

Во извештајот се наведува дека доколку целта за вакцинација се постигне доволно брзо, може да се избегне „силниот четврти бран“ на епидемијата, кој се очекува наесен и зима.

Намалување на контактот помеѓу луѓето и почитување на основните епидемиолошки мерки ќе биде потребно доколку стапката на инфекција започне да се зголемува.

Слични содржини