Стапката на многу позаразната варијанта на коронавирус делта во Германија се искачи на 84 проценти во новооткриените случаи.
Во извештајот објавен од институтот Роберт Кох (РКИ) се вели дека повеќето нови инфекции со КОВИД-19 во Германија се предизвикани од загрижувачкиот сој на коронавирусот.
Во извештајот се наведува дека делта сојот е откриен во 84 проценти од новите случаи на КОВИД-19 регистрирани од 5 до 11 јули, а алфа сојот е откриен во 12 проценти од случаите.
Во извештајот се наведува и дека делта варијантата рапидно се шири во таа земја.
Стапката на делта во новите случаи, која изнесуваше 2,6 проценти во средината на мај, се искачи на 59 проценти на крајот на јуни.
Во последните 24 часа, во Германија се регистрирани 2.089 новозаразени со коронавирус, со што вкупниот број на случаи се искачи на 3.752.592.
Во исто време, во последните 24 часа, евидентирани се 34 смртни случаи поврзани со КОВИД-19, а вкупниот број на смртни случаи се зголеми на 91.492.
Бројот на нови случаи на 100 000 луѓе неделно е 13,2. Бројот, кој падна на 4,9 на 6 јули по третиот бран на епидемијата, се искачи на 5,5 на 9 јули и на 8,6 на 16 јули, за разлика од вчера 12,2.