Германија во иднина ќе ги слави ветераните на Бундесверот секој 15 јуни. Законот за ова беше усвоен во четвртокот во Бундестагот со гласовите на владејачката коалиција и опозициските демохристијани, пренесува германската новинска агенција (dpa).
„Тоа е долгоочекуван сигнал за признание за оние кои се подготвени да ги дадат своите животи за другите“, рече министерот за одбрана Борис Писториус во дебатата.
Овој „видлив сигнал“, освен што треба да покаже внимание, треба да поттикне и напори за подобра положба на поранешните војници, пишуваше во предлог-законот.
„Националниот ден на ветераните може да постави соодветна рамка за признавање и благодарност за посебните дела, како и место за размена меѓу нив, нивните семејства, Бундесверот, општеството и политиката.
Дебатата за тоа кој се квалификува за статус на ветеран трае со години, бидејќи војниците кои служеле во мисии ширум светот, па дури и во борби имаат различни потреби од оние кои служеле за време на Студената војна.
Самиот Бундесвер сега смета дека секој кој е активен војник или пензиониран војник е ветеран.
Околу 10 милиони Германци служеа во професионалната или воената војска, а околу половина милион мажи и жени беа ангажирани во воени мисии во странство.