Германскиот министер за економија: „Северен тек 2“ е голема грешка во геополитичка смисла

Германскиот министер за економија Роберт Хабек изјави дека проектот на контроверзниот гасовод „Северен тек 2“ е голема грешка во геополитичка смисла. Хабек исто така предупреди дека ќе биде суспендиран во случај на руска ескалација во Украина.

Хабек додаде дека доколку ситуацијата во Украина ескалира, Русија ќе мора да сноси тешки последици, велејќи дека секоја натамошна воена агресија не може да помине без остри последици.

Кога станува збор за контроверзниот гасовод, германскиот министер за економија истакна дека сите европски земји, освен Германија и Австрија, секогаш биле против „Северен тек 2“.